ყაზახეთის რესპუბლიკის ელჩი მალიკ მურზალინი შეხვდა აჭარის ფინანსთა და ეკონომიკის მინისტრს ჯაბა ფუტკარაძეს

ბათუმი, 2023 წლის 2-3 თებერვალი – ყაზახეთის რესპუბლიკის ელჩი მალიკ მურზალინი აჭარის ავტონომიურ რესპუბლიკაში სამუშაო ვიზიტის დროს შეხვდა ფინანსთა და ეკონომიკის მინისტრს ჯაბა ფუტკარაძეს.

მისასალმებელი სიტყვის დროს ქართველმა პოლიტიკოსმა მიულოცა ელჩს თანამდებობაზე დანიშვნა და წარმატებები უსურვა მის საქმიანობაში. მან გამოხატა აჭარის რეგიონის მზადყოფნა, წვლილი შეიტანოს ქართულ-ყაზახური ურთიერთობების შემდგომ გაღრმავებაში ტურიზმის, ბიზნესისა და ჰუმანიტარული სექტორის სფეროებში.

მ.მურზალინმა მადლობა გადაუხადა თანამოსაუბრეს თბილი დახვედრისთვის. მან აღნიშნა ორმხრივი ურთიერთობების მაღალი პოტენციალი.მხარეებმა განიხილეს რეგიონთაშორისი თანამშრომლობის საკითხები ლოგისტიკის, ტურიზმის, სამშენებლო და სოფლის მეურნეობის სექტორებში, ასევე საქმიანი კავშირების გაფართოება.განსაკუთრებული ყურადღება დაეთმო სატრანსპორტო და სატრანზიტო სექტორს, მათ შორის ტრანსკასპიური საერთაშორისო სატრანსპორტო მარშრუტის გასწვრივ ტვირთების გადაზიდვის გააქტიურებას. საქონლის გადაზიდვის საზღვაო სეგმენტთან დაკავშირებით აღინიშნა ბათუმის საზღვაო ნავსადგურის ეფექტური საოპერაციო საქმიანობა.

ამავდროულად, განხილულ იქნა ნავსადგურის ნავმისადგომებთან დამატებითი სარკინიგზო ხაზის მშენებლობის საკითხი.თანამოსაუბრეები შეთანხმდნენ, განიხილონ აჭარის ავტონომიურ რესპუბლიკასა და ყაზახეთის ერთ-ერთ რეგიონს შორის დაძმობილებული ქალაქების კავშირების დამყარების შესაძლებლობა.შეხვედრამ თბილ და მეგობრულ გარემოში ჩაიარა.