„თანაცხოვრება გაფანტულ სკლეროზთან“ – 30 მაისი გაფანტული სკლეროზის მსოფლიო დღეა
ფსიქოლოგ ნათია ფანჯიკიძის სპეციალური მასტერკლასი გაფანტული სკლეროზის მქონე პაციენტებს
28 მაისს, 17:30 საათზე, წიგნისსახლში (მის: ბახტრიონისქ. 11ბ), გაფანტული სკლეროზის მქონე პაციენტებისთვის ფსიქოლოგ ნათიაფანჯიკიძესთან შეხვედრა გაიმართება, თემაზე „თანაცხოვრება გაფანტულ სკლეროზთან“. შეხვედრა ეძღვნება გაფანტული სკლეროზის მსოფლიო დღეს, რომელიც ტრადიციულად, 30 მაისს აღინიშნება და მას სხვადადასხვააქტივობით საქართველოც უერთდება.
ღონისძიების მიზანს პაციენტების მენტალური ჯანმრთელობის ხელშეწყობა და თანადგომა წარმოადგენს. შეხვედრის ფარგლებში, პაციენტები შეძლებენ საკუთარი დაავადების უკეთ შეცნობას, მათი დიაგნოზის განსხვავებულ ჭრილში შეფასებას, ყოველდღიურ სტრესთან უკეთ გამკლავებას და გეგმების დასახვას, თუ როგორ გაიუმჯობესონ ცხოვრებისხარის ხიდაგახადონთანა ცხოვრება გაფანტულ სკლეროზთან მეტად ჰარმონიული. ისინი ასევე ისაუბრებენ დაავადების სიმძიმეზე, მის მართვასა მკურნალობის ხელმისაწვდომობაზე.
შეგახსენებთ, რომ 2021 წლიდან დედაქალაქის მერიამ და აჭარის ჯანდაცვის სამინისტრომ პაციენტებისთვის მკურნალობა ხელმისაწვდომი გახადა. 2022 წელს ჯანდაცვის სამინისტროს მიერ გამოიცა ბრძანება საქართველოს სხვა რეგიონებში მკურნალობის დაფინანსების შესახებ, თუმცა, ამ დრომდე, პროგრამა ამოქმედებული არ არის. 2024 წლის 13 აპრილს ჯანდაცვის მინისტრი, მიხეილს სარჯველაძე პაციენტებს შეხვდა და შესაბამის უწყებებთან ერთად საკითხის უმოკლეს ვადაში განხილვას დაჰპირდა. არსებული მდგომარეობიდან გამომდინარე, საქართველოს რეგიონებში მცხოვრები პაციენტები, თბილისისა და აჭარის გარდა, მკურნალობის გარეშე, ყოველდღიურად კარგავენ ქმედით უნარებს.
დასასრულს, მოწვეული სტუმრები და პაციენტები საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს, მიხეილ სარჯველაძეს, კიდევ ერთხელ, შეახსენებენ დაპირებას, რეგიონებში მცხოვრები გაფანტული სკლეროზის მქონეპაციენტების მკურნალობის ხელმისაწვდომობისა და სახელმწიფო პროგრამის ამოქმედებასთან დაკავშირებით. უფრო მეტი მხარდაჭერისა და საჯაროობისთვის ვიდეო მიმართვას ჩაწერენ, რომელიც გაფანტული სკლეროზის საინფორმაციო ფეისბუქ გვერდის საშუალებით გავრცელდება.
ცნობისათვის, ყოველწლიურად, 30 მაისს, მთელ მსოფლიოში, აღინიშნებაგაფანტული სკლეროზის საერთაშორისო დღე, რომლის მიზანსერთმანეთის მიმართ სოლიდარობის გამოხატვა, დაავადების შესახებ საზოგადოების ინფორმირების დონის ამაღლება, მისი დროული დიაგნოსტიკა და ადეკვატურ მკურნალობაზე ხელმისაწვდომობის უზრუნველყოფა წარმოადგენს. აღნიშნულ დღეს საქართველო 2018 წლიდან შეუერთდა, საინფორმაციო კამპანიით „ერთად ერთმანეთისთვის“.
