სსიპ ახალგაზრდობის სააგენტოს საქართველოში ჩინეთის სახალხო რესპუბლიკის საგანგებო და სრულუფლებიანი ელჩი ეწვია
სსიპ ახალგაზრდობის სააგენტოს საქართველოში ჩინეთის სახალხო რესპუბლიკის საგანგებო და სრულუფლებიანი ელჩი ეწვია.
სამუშაო შეხვედრაზე, ახალგაზრდობის სააგენტოს ხელმძღვანელის მოვალეობის შემსრულებელმა ვახტანგ ბააკაშვილმა და ჩინეთის სახალხო რესპუბლიკის საგანგებო და სრულუფლებიანმა ელჩმა საქართველოში ჭოუ ციენმა, ერთობლივ საგანმანათლებლო პროექტებსა და სამომავლო გეგმებზე იმსჯელეს.
შეხვედრას ასევე ესწრებოდა საპარლამენტო უმრავლესობის წევრი ვლადიმერ ბოჟაძე, რომელმაც ხაზი გაუსვა ორ ქვეყანას შორის თანამშრომლობას.
შეხვედრის დასრულების შემდეგ, სააგენტოს ბიბლიოთეკაში, ახალგაზრდებისთვის ჩინეთის ისტორიის და ტრადიციების შესახებ ფილმის ჩვენება მოეწყო. ასევე გაიმართა დისკუსია. სტუდენტებს შესაძლებლობა ჰქონდათ, მათთვის საინტერესო საკითხებთან დაკავშირებით პირადად ელჩისგან მიეღოთ დეტალური ინფორმაცია.
