ყაზახურ-ქართულ ეკონომიკურ გაერთიანების ხელმძღვანელი სამეთვალყურეო საბჭოს გადაწყვეტილებით კონკურსის წესით შეირჩა
ყაზახურ-ქართულ ეკონომიკურ გაერთიანების ხელმძღვანელი სამეთვალყურეო საბჭოს გადაწყვეტილებით კონკურსის წესით შეირჩა
ყაზახურ-ქართული ეკონომიკურიგაერთიანების გენერალურ დირექტორად ნატა ფედესეევა დაინიშნა, რომელიც გაერთიანების გუნდთან ერთად ორ ქვეყანას შორის ეკონომიკურიდა სავაჭრო ურთიერთობების გაღრმავებასა და განვითარებაზე იზრუნებს. მნიშვნელოვანია, რომ გაერთიანების ხელმძღვანელი სამეთვალყურეო საბჭოს გადაწყვეტილებით, კონკურსის წესით და ხმათა სრული უმრავლესობით შეირჩა. გაერთიანებაში მიაჩნიათ, რომ აღნიშნული ფორმით ხელმძღვანელის დანიშვნა საზოგადოებაში ნდობის მოპოვების ერთ-ერთი წინაპირობაა.
შეგახსენებთ, რომ ყაზახურ-ქართული ეკონომიკური გაერთიანება საქართველოში ყაზახეთის საელჩოსა და ყაზახურ-ქართული ბიზნესის ერთობლივი ინიციატივით მარტში დაფუძნდა. ყაზახურ-ქართული ეკონომიკური გაერთიანების დამფუძნებლები საქართველოში ყაზახური ინვესტიციების მქონე კომპანიები, კერძოდ, „სილქ როუდ ჯგუფი“, „ხალიკ ბანკი საქართველო“, „კაპიტოლ ჯგუფი“, „ბათუმის ნავთობ ტერმინალი“ და GK Logistics არიან.აღნიშნულ ინიციატივასასევე შეუერთნდნენგახლავთ ავიაკომპანია „ეარ ასტანა“ და „რომპეტროლ საქართველო“.სამეთვალყურეო საბჭოს თავმჯდომარედ გამგეობის გადაწყვეტილებით „კაპიტოლ ჯგუფის“ აღმასრულებელი დირექტორი და ყაზახეთის საპატიო კონსული საქართველოში, გიორგი ჯახუტაშვილია.
გაერთიანების მთავარ მიზანს ყაზახეთსა და საქართველოს შორის ეკონომიკური თანამშრომლობის გაღრმავების გარდა, კულტურული ურთიერთობის გააქტიურება და ინვესტიციების ზრდის ხელშეწყობა წარმოადგენს. გაერთიანებას გააჩნია ერთგვარი მედიატორის და კომუნიკატორის როლი, როგორც ორი ქვეყნის ბიზნეს სექტორის წარმომადგენლებს შორის, ასევე მათი საჯარო სტრუქტურებთან შუამდგომლობისას. მნიშვნელოვანია, რომ საქართველოში ყაზახური კაპიტალის მონაწილეობით ჯამში 30-მდე კომპანია ფუნქციონირებს, რომელთა ინვესტიციების საერთო მოცულობა 450 მილიონ აშშ დოლარს სცდება.
“საწყის ეტაპზე, დაგეგმილია შეხვედრების სერია, რომელიც ე.წ. მრგვალი მაგიდის ქუდის ქვეშ წარიმართება, კერძოდ, მრგვალი მაგიდა – ინვესტიციები, მრგვალი მაგიდა – ვაჭრობა და ა.შ. პროექტების სერია „მრგვალი მაგიდა“ სექტემბრის ბოლოს დაიწყება და მასში მონაწილეობას ქართული ტურისტული ინდუსტრიის წარმომადგენლები მიიღებენ. მოგვიანებით, ანალოგიური შეხვედრებიყაზახეთშიც იგეგმება,“ – აღნიშნავს გაერთიანების ახალი ხელმძღვანელი ნატა ფედოსეევა.
