ბინგ დუნ დუნ- პეკინის 2022 წლის ზამთრის ოლიმპიური თამაშების თილისმა
ბინგ დუნ დუნ
თანამედროვე ჩინურ ენაზე სიტყვა ბინგ-ს რამდენიმე მნიშვნელობა აქვს, მაგრამ პირველ რიგში ნიშნავს ყინულს და მასთან ერთად სიწმინდესა და ძალას. “დუნ დუნ” ნიშნავს ჯანმრთელ, ძლიერ და ხალისიანს. ასევე, ეს სიტყვა ხშირად გამოიყენება ბავშვებზე საუბრისას.
ახალი ოლიმპიური თილისმა არის ზამთრის სპორტის ელჩი, რომელიც სიხარულს ანიჭებს ოლიმპიადის მონაწილეებსა და მაყურებლებს. ის ახასიათებს სპორტსმენების სხეულის ძალას და ნებას.
როგორ გამოიყურება დუნ დუნი
ბინგ დუნ დუნ-ს აცვია ყინულის კოსტუმი, რომელიც კოსმოსურ სამოსს წააგავს. ასე გამოხატავენ ორგანიზატორები თავიანთ კავშირს ახალ ტექნოლოგიებთან და მომავალთან, სადაც შესაძლებლობები უსაზღვროა. თავის ყინულის კოსტუმში პანდას შეუძლია ოლიმპიურ სპორტსმენებთან ერთად სრიალი, თხილამურები და სნოუბორდი.
კაშკაშა მრავალფეროვანი რგოლები სახის გარშემო წარმოადგენს უახლეს ყინულისა და თოვლის არენებს პეკინში, მოწყობილი მოწინავე ტექნოლოგიით. მარცხენა თათზე გულის სიმბოლოა ჩინეთის სტუმართმოყვარეობაზე ოლიმპიადის ყველა მონაწილისა და მაყურებლის მიმართ.
ავტორი
ცაო სუე
საინტერესო ფაქტები თილისმის შესახებ
პეკინი 2022-ის საორგანიზაციო კომიტეტის მიერ გამოცხადებულმა გლობალურმა კონკურსმა მიიღო თილისმის 5800 ესკიზი არა მხოლოდ ჩინეთიდან, არამედ მსოფლიოს 35 ქვეყნიდან. წინასწარი შერჩევა ჩინელმა და საერთაშორისო ექსპერტებმა გააკეთეს. ამის შემდეგ გუანჯოუს სახვითი ხელოვნების აკადემიისა და ჯილინის ხელოვნების უნივერსიტეტის ჟიურიმ შეადგინა საუკეთესო კანდიდატების სია. პანდას არჩევანი პეკინის თამაშების თილისმად საკმაოდ აშკარაა, რადგან გიგანტური პანდა ჩინეთის ეროვნული სიმბოლოა. პანდა ასევე იყო 2008 წლის პეკინის ზაფხულის ოლიმპიური თამაშების ხუთი თილისმიდან ერთ-ერთი.
